Hofgerichts=Ordnung  von  1513.
wenn  etzlicke  parthienn  vp  vnsse  gemeynen  Rechtesdage =
  Eynander  Rechtes  thoplegenn  vorschiener  tydt
vorgeladenn  synnde  wordenn  die  Parthienn  tho
mermalenn  meth  erer  thokumpft  beth  vp  denn  andern, =
  druddenn  edder  lestenn  dagh  deßüluen  Termyns =
  Vorthagenn  vnd  vthenbliuen  dar  dorch  wy
nicht  alleyne  szunder  ock  andere  Vusse  geistlicke  vund
wertlicke  Rede  Szo  wy  tho  solckenn  apenen  gemeynen =
  Landt  vnd  Rechtesdagenn  vorschriuenn  Jnn
merglicke  Vnkost  vund  die  suluen  Dage  deste  langer =
  tho  holdenn  gedrungen  ock  die  parthienn  vnder
Tydenn  erer  Gebreckenn  nicht  alle  vorhort  edder  Entschiedenn =
  Sünder  beth  vp  folgende  Termynn  mit
awerlicken  beswerde  vorwyßet  werdenn  möthenn,
dath  alles  thouorkomende  Wy  tho  forderinge  des
gemeynenn  beßtenn  Mith  vnssenn  trefflicken  Rederen =
  eyne  gemeyne  ordeninge  In  Vnsen  Hoffgerichtenn =
  hinuor  vestlick  tho  holdenn  gemacket  hebbenn.
Wenn  wy  alzo  apene  Landdage  alls  Jerlick  vp
vnssenn  Vmbslach  vund  Michaelis  thogescheende
pleget  tho  holdenn  vund  parthienn  darvp  vor  Vus
vund  Vnseren  Redern  erer  erringe  haluenn  vp  der
kleger  ansockenn  thoerschienenn  vorheischenn  dat  alls
denn  die  suluenn  parthienn  alle  Semptlick  vp  denn
Jrsten  Dagh  oder  Jder  denn  benannten  Dagh
dorvp  wy  ehne  nach  antoginge  der  vthgaadenen  Citation =
  vorbeschiedenn  des  Vmbslages  vund  Michaelis
vund  darnachfolgende  Dage  szo  lange  wy  vuße  gerichte =
  sittenn  don  orde  dar  wy  solckenn  Dagh  tho
holdenn  vthschriwenn  vor  Vns  vund  Vnsen  gerichte =
  erschienenn  vund  beth  so  lange  sie  erer  gebreckenn =
  verhort  affgescheidenn  werdenn,  vonn  danne
nicht  reyssenn  schollenn,  dor  wy  sie  ock  nach  eynander =
  Wo  sie  vann  eyner  tydt  beth  an  die  ander
die  Citation  vthbrengenn  vund  alle  tydt  die  Jrstenn
tho