VITRUVIUS.  LIB.  IX.
370
Cancri  puncta,  partis  octava  foramen  seu  tympanum
versationibus  peragens,  et  in  altitudinem  eo  rediens,
viribus  extenuatur,  et  ita  tardius  fluendo  dilatat  morando
spatia,  et  efficit  horas  in  Cancri  signo  solstitiales.  A
Cancro  quum  proclinat  et  peragit  per  Leonem  et  Virginem, -
  ad  Libra  partis  octavae  puncta  revertendo,  et  gradatim -
  corripiendo  spatia,  contrahit  horas,  et  ita  perveniens -
  ad  puncta  Libræ,  æquinoctiales  rursus  reddit
horas.
Per  Scorpionis  vero  spatia  et  Sagittarii  proclivius  deprimens -
  sese  foramen  rediensque  circumactione  ad  Capricorni -
  partem  octavam,  restituitur  celeritate  salientis
ad  brumales  horarum  brevitates.
Quæ  sunt  in  horologiorum  descriptionibus  rationes
et  apparatus,  uti  sint  ad  usum  expeditiores,  quam  aptissime -
  potui,  perscripsi  ;  restat  nunc  de  machinationibus
et  de  earum  principiis  ratiocinari.  Itaque  de  his,  ut  corpus -
  emendatum  architectura  perficiatur,  in  sequenti
volumine  incipiam  scribere.