N.
II.

8
Physicae  Subterraneae
aliorumque  de  rebus  subterraneis  relicta  scripta,
adeo  frivola,  ridicula,  &  in  praxi  tenuia  sunt,  ut  si
talium  scriptorum  doctrinam  in  hoc  genere  accurate ¬
  expendas,  merito  ventilare  incipias,  utrum  in
reliquis  granum  veritatis  habeant,  qui  in  subterraneorum ¬
  doctrina  prorsus  ut  coeci  oberrant.  Sed
maximum  damnum  Pseudo-Chymici,  Neoterici
scriptores  dederunt;  qui  indiscriminatim,  nescio
qua  prurigine  &  prava  scribendi  consuetudine  impulsi, ¬
  aliorum  mendacia  descripserunt,  quae  pro
fundamentis  posuerunt:  nihil  interim  vel  in  naturae
vel  in  artis  praxi  scientes,  sed  decepti  alios  deceperunt, ¬
  atque  ita  mendacium  mendaciis  cumularunt.
Etsi  quoque  non  pauci  seduli  fossilium  indagatores,
multis  non  contemnendis  experimentis  fulciti  exstiterint, ¬
  genuina  tamen  &  solida  Theoria  caruerunt: ¬
  quod  tales  laborantes  &  metallicolae  plerumque ¬
  non  studuerint,  neque  literis  operam  dederint:
nonnulli  etiam  omnia  praxi,  nihil  Theoriae  tribuentes, ¬
  de  rerum  causis  desperarint.  Deinde  si  qui
boni  fuere  Theorici,  à  praxi  plerumque  alieni  fuerunt. ¬
  Indignum  judicantes,  sumptus,  sanitatem,
tempus,  &  aestimationem  sordidis  &  periculosis  laboribus ¬
  practicis  impendere.  Unde  eorum  Theoria
raro  praxi  stabilita  fuit.  Hoc  &  similia  impedimenta ¬
  non  parum  huie  studio  obfuerunt,  &  multum
detrimenti  ac  obscuritatis  pepererunt.  Qua  vero
ego  via  incesserim,  quomodo  huic  studio,  &  theorice ¬
  &  practice  operam  dederim,  quaque  occasione
ea  invenèrim,  quae  pauci  hactenus  attigerunt,  praefatio ¬
  hujus  operis  exhibebit,  ubi  Lector  plura  de
his  legere  poterit.  Jam  ad  distributionem  operis
veniemus,  quod  quatuordecim  Sectionibus  absolvetur, ¬