Introductio.
—
§.  1.
Cum  mihi  proposuerim,  scribere  de  eo,  quod
nominis  pignus  dici  solet,  atque  peculiarem  eius
negotii  naturam  et  indolem  paullo  accuratius  exponere, ¬
  ita  me  eam  rem  optime  perfecturum  esse
arbitror,  si  ea  omnia,  quae  nominis  pignori  cum
aliarum  rerum  pignoribus  communia  sunt,  omiserim ¬
  ac  silentio  praeterierim.  Neque  enim  quemquam ¬
  fugit,  hanc  materiam  inter  obscuriores  iuris
Romani  partes  locum  tenere.  Cuius  rei,  cum  ea
imprimis  sit  causa,  quod  in  paucissimis  tantum
fontium  nostrorum  locis  de  nominis  pignore  agitur, ¬
  accedit  ingenita  ipsius  materiae  difficultas,  a
paucissimis  perspecta,  a  paucioribus  illustrata.  Indicant ¬
  enim  ipsa  verba:  nominis  pignus,  argumenta ¬
  huius  iuris  non  solum  ex  iure,  quod  ad
res  in  apecie  sic  dictas  pertinet,  sed  etiam  ex  iure
A  2