—  355  —
ut,  quasi  bonorum  possessionem  omnino  non  acceperit, -
  tota  hereditas  apud  eum  remaneat,  qui  in
potestate  fuerit.  3  2)  Quae  cum  ita  sint,  aptius  haud
dubie  collationis  doctrina  ad  ultimum  tractatus
nostri  caput,  quo  de  bonorum  possessionis  contra
tabulas  effectibus  disserere  nobis  propositum  est,
rejecta  esset.  Verum  hoc  loco  de  justo  disputationis
ordine  paululum  decedere  propterea  haud  haesitavimus, -
  quod,  dummodo  in  ipso  tractatus  exordio  significatum ¬
  esset,  collationis  necessitatem  non  tam  conditionem -
  petendae  dandaeve,  quam  effectum  potius
impetratae  bonorum  possessionis  contra  tabulas  esse,
timendum  nobis  nullomodo  esse  videbatur,  ne  obscuri
fieremus.  Accedit  quod  minime  omnem  collationis
materiam  penitus  absumere,  sed  leviter  tantum  eam
perstringère  in  animo  nobis  sit,  cum  posterioribus
temporibus  diversam  admodum  collationem  bonorum
indolem  induisse,  neque  jam  ad  injuriam  suis  heredibus -
  per  emancipatorum  interventum  illatam  compensandam, ¬
  sed  potius  ad  aequalitatem  quandam  inter
liberos  qualescunque  paternorum  bonorum  participes
efficiendam,  comparatam  fuisse,  inter  omnes  constet.
§.  CX.
Aequitatis  edicti  de  collationibus  ratio  in  eo  versatur, ¬
  quod  is,  qui  per  emancipationem  sui  juris
factus  est,  a  parente  suo  quodammodo  beneficium
32)  cf.  fr.  3.  pr.  de  collat.