Full text: Zeitschrift für Rechtsgeschichte (Bd. 9 (1870))

Mtthettungen über Ctevische Rechtsquelten rc. 431
Tit. 55 (v. K. 56). Van deswives voirmonderscap. Vort,
voirmonderscap van wilkoir, als dat een man sins wiffs
voirrnonder is, ind si oirs mannes genoitinne, end treedt an
oirs mans recht alleen die wile oir man levet soe wanneer
sec an sin bed geet. ind dese voirmonderscap heeft ander
recht dan voirmonderscap van maichscap wegen, dair voir
aff gesacht is, off oec dan voirmonderscap van gerichts hal-
ven: want dese voirmonderscap an (1. en) darff niet verwis-
sen, dat moten die anderen doen; ten anderen, si en dor-
ven oec niet rekenen; teil derden, soe en machmen si niet
aff setten als men die anderen mach, doch, misbruikeden hi
die guede, so machmen dair in vortwaren als dair van hier
na bescreven steet; ten vierden en darff hi niet evenburdich
sin. dat is merkelike.
Tit. 57 § 2 (v. K. 58). Vort soe is een man sins wi-
ves ind oerre twier guet een voirrnonder, te doen ind te
laten dair mede dat oen gadet, buten bekroen sins wives
ind sinre kindere, ’t en weer dat si dair aen sunderlingh
getuchticht weren off geeervet. nochtan en sal dat wiff geen
scholt noch goet, woe wael si sunderlingh dair an getuch-
licht off geeervet wer, niet in vorderen noch manen noch
vergeven buten oers mans wil, dat toe recht doegen soile,
mer oer man sal des macht hebben ind doen, want een man
is hooft sins wifs end si sal na sinen wil leven, ind een wif
en is oers selffs niet weldich, mer oer man sal oere ghe-
walden. oick soe is een wiff on(der) oeren voirrnonder, dat's
oir man, end si is onder sinre voirmonderscap, ind si en
moit niet doen sonder oeren voirrnonder. doch, misbrukende
een man, die soe is monber voirs., der guede, soe mochten
end sullen riehter burgermeister scepenen ind raide tot ghe-
sinnen des wives off der hinderen den man verbieden sin
guet toe misbruken, ind sullen end mögen den guede geven
eenen voirstender off rucker, dat guet ut te reihen, ind dit
is lovelike end eerlike, sonder bekroen. ind wat van den
mannen hier weder gheschege, dat weer niet end van geen
werde.
Tit 58 (v. K. 59) , Van wedervordering eens dings. § 1.
Een moeder en mach oirs kints acker off guet tgegen des
kints wil off sonder des kints witscappen niet vercopen, mer

Waiting...

Note to user

Dear user,

In response to current developments in the web technology used by the Goobi viewer, the software no longer supports your browser.

Please use one of the following browsers to display this page correctly.

Thank you.

powered by Goobi viewer