AMON filius Manasse, successit patri in regno Iudae, anno mundi 3292. ante Christum natum 670. impius hic vestigia patris etiam impij secutus est. annorum 22. erat cùm regnare cępisset, & duobus annis regnauit in Ierusalem. hic cunctis idolis quae Manasses fuerat fabricatus, immolauit, atq; seruiuit. coniurarunt aduersus eum serui sui, & interfecerunt eum in domo sua. Vide li. 4. Reg. 21. ca. & lib. 2. Paralip. 33. cap. & Ioseph. lib. 10. ca. 4.
    IOSIAS filius Amon, successit patri, regnauítque in Ierusalẽ annos 31. hic iustus, pius, Dauidis vestigia secutus, 12. anno regni sui mundauit Iudam & Ierusalem ab excelsis, & lucis, simu lachrisque, & sculptilibus. aras Baalim, & simulachra quae superposita fuerant, euertit: Templum instaurari inssit: reperit Helcias sacerdos librum legis Domini, qui datus fuerat per manum Moysis: congregato vniuerso populo in domo Domini legit Rex omnia verba libri huius: & stans pro tribunali percussit foedus coram Domino, adiurauit populum, & celebrauit Phase Do mino. Caeterùm dum pugnat cũ Nechaone Rege Aegypti, qui missis nuntiis indicarat se non parasse bellum in eum, vulneratur sagitta, quo ex vulnere obit. luxerũt eum vniuersus populus, maximè Ieremias qui super eius morte carmen lamentabili modulatione conscripsit, quae lamentationes vocitantur.. Vide li. 4. Reg. 22. & 23. cap. & li. 2. Paralip. 34. & 35. cap. & Ioseph. lib. 10. Anti. cap. 5. & 6.