LIBER-VII. CAP. IV.
151
cum in altitudinem perstructus fuerit, relinquantur
spiramenta: si enim non per nares humor et in imo
et in summo habuerit exitus, non minus in nova structura -
se dissipabit. His perfectis, paries testa trul
lissetur et dirigatur, et tunc tectorio poliatur. 2.
Sin autem loçus non patietur structuram fieri, canales -
fiant, et nares exeant ad locum patentem. Deinde -
tegulae bipedales ex una parte supra marginem
canalis imponantur, ex altera parte bessalibus laterculis -
pilae substruantur, in quibus duarum tegularum -
anguli sedere possint; et ita a pariete hae distent, -
ut ne plus pateant palmum; deinde insuper
erectae mammatae tegulae ab imo ad summum parietem -
figantur, quarum interiores partes curiosius
picentur, ut ab se respuant liquorem: item in simo et
in summo supra cameram habeant spiramenta. 3.
Tum autem calce ex aqua liquida dealbentur, uti
trullissationem testaceam non respuant; namque propter -
ieiunitatem, quae est a fornacibus excocta,
trullissationem non possunt recipere nec sustinere,
nisi calx subiecta utrasque res inter se conglutinet
et cogat coire. Trullissatione inducta pro arenato
testa dirigatur, et cetera omnia (uti supra scripta
sunt in tectoriorum rationibus) perficiantur. 4.
Ipsi autem politionis eorum ornatus proprias debent
habere decoris rationes, uti et lex locis aptas et
generum discriminibus non alienas habeant dignitates. -
Tricliniis hibernis non est utilis haec compositio -
nec megalographia nec camerarum coronario -
opere subtilis ornatus, quod ea et ab ignis fumo
et ab luminum crebris fuliginibus corrumpuntur.
In his vero supra podia abaci ex atramento sunt subigendi -
et poliendi, cuneis silaceis seu miniaceis interpositis: -
explicata camera pura et polita, etiam
pavimentorum non erit displicens, si quis animadvertere -
voluerit, graecorum ad hibernaculorum
usum minime sumptuosus et utilis apparatus. 5.
