NEVFIEME  LIVRE
escriz  de  la  nature  des  choses,  &  de  son  commentaire  intitule  Cheirotonecton,  auquel
il  se  seruoit  de  son  Anneau  ou  Signet,  cachetant  de  Cire  messee  de  Cinnabre  ou  Vermillon -
  les  choses  qu'il  auoit  experimentees.
Les  traditions  donc  de  ces  hommes  ne  sont  seulement  profitables  pour  reformer
les  grandes  erreurs,  mais  perpetuelement  preparees  pour  l'vtilité  de  toutes  gens:  ou
les  prouesses  des  Athletes  en  peu  d'annees  enuieillissent  auec  leurs  corps.  qui  me  faict

dire  que  quand  ilz  sont  en  leur  aage  plus  fleurissant,  eulx,  ny  leurs  effors  passez  ne  peuuent -
  proffiter  a  la  vie  des  hommes  de  leur  siecle,  ny  aux  autres  qui  viennent  apres  eulx.
Qu'il  soit  ainsi,  lon  n'attribue  point  d'honneurs  aux  conditions  des  escriuains,  ny  a  leurs
preceptes,  ains  aux  bonnes  doctrines  prouenantes  de  leurs  bons  Espritz,  lesquelz
penetras  oultre  les  plus  haultes  parties  de  l'Air,  &  sesseuans  iusques  au  Ciel  par  les  degrez -
  de  la  pensee,  ne  font  seulement  que  leurs  traditions  vertueuses  soyent  honnorables -
  a  tousiours,  mais  par  plus  forte  raison  que  leurs  figures  ou  remembrances
soient  a  iamais  congneues  de  la  posterité.  A  ceste  cause  les  personnages  qui  ont  la  memoire -
  remplie  de  la  ioye  que  donnent  les  bonnes  lettres,  ne  sauroient  qu'ilz  n'eussent
en  leurs  poitrines  imprimee  ou(pour  mieux  dire)  dediee  la  representation  du  Poete

Ennius,  aussi  bien  que  des  Dieux  immortelz:  &  ceulx  qui  studieusement  se  delectent
des  beaux  vers  d'Accius,  n'ont  tant  seulement  remembrance  de  la  force  de  ses  paroles, -
  ains  leur  est  aduis  que  sa  figure  leur  est  presente  à  toutes  heures,  &  en  toutes  places.
le  pense  bien  que  plusieurs  qui  naistront  apres  nous,  sembleront  vouloir  disputer
de  la  nature  des  choses  contre  Lucrece,  aussi  de  l'art  de  Rhetorique  contre  Cicero,  &
de  la  proprieté  de  la  langue  Latine  contre  Varro.  Mesmes  se  trouuera  des  Philologues

ou  gens  aymans  le  bien  parler,  qui  disputeront  de  diuerses  choses  contre  les  sages  de
Grece,  telement  qu'ilz  monstreront  auoir  des  secretes  contestations  auec  eulx.  Mais
en  somme,  les  traditions  ou  sentences  des  doctes  escriuains,  florissantes  par  antiquité,
quand  elles  en  l'absence  de  leurs  corps  viennent  a  estre  alleguees  en  consultations  &
autres  occurrences,  ont  plus  d'authorité  que  les  opinions  de  tous  ceulx  lesquelz  y
assistent.
Au  moyen  dequoy  (Sire)  ie  me  sentant  assez  garny  d'icelles  congnoissances  antiques, -
  entrepris  d'escrire  ces  liures,  toutesfois  non  sans  bons  commentaires,  ny  sans  le
conseil  de  mes  amys.

Aux  Sept  premiers  donc  i  ay  parlé  des  Edifices,  au  Huitieme  des  Eaux,  &  en  cestuy
cy  ie  traicteray  des  raisons  Gnomoniques,  c'est  à  dire  demonstrations  des  Heures  par  les
ayguilles  des  Quadrans,  disant  comme  elles  furent  inuentees  sur  la  contemplation  des
rayons  du  Soleil  faisans  faire  vmbre  a  icelles  ayguilles:  &  n'oublieray  tout  d'vn  chemin
a  dire  comment  elles  salongent  ou  r'acourcissent.
DES  RAISONS  GNOMONIQVES,  INVENTEES

par  les  umbres  aux  rayons  du  Soleil,  ensemble  du  Ciel,  &  des
Planetes.  Chap.  IIII.
Our  auoir  esté  ces  choses  inuentees  par  entendemens  diuins,  elles  font
grandement  esmerueiller  ceulx  qui  les  considerent,  a  raison  que  lymbre
de  l'ayguille  Equinoctiale  est  d'vne  grandeur  en  Athenes,  d'yne  autre  en
Alexandrie,  autrement  a  Rome,  &  n'est  semblable  en  la  ville  de  Plaisance