90  —
§.  6.
Astronomica  Aegypti  Geographia.
Quamquam  veteres  de  multis  Aegyptiorum  numinibus  aliisque  rebus  sacris  docent,  quorum
planetarum  sint  symbola;  tamen  plurima  eorum  inexplicabilia  essent,  si  astronomica  quaedam
Geographiae  Aegyptiacae  descriptio  nobis  non  succurreret.  Scilicet  qui  paullo  accuratius  in  veteren
Aegypti  geographiam  inquisiuerunt,  eos  non  fugit,  Aegyptum  plane  eodem  modo  diuisam  fuisse
atque  Zodiacum.  De  Aegypti  vero  prouinciis  et  Nomis  constat,  quod  veteres  testantur,  in  singulis
quidem  fuisse  numinum  templa  et  simulacra  et  symbola  viua  eorum,  quae  similibus  Zodiaci
partibus  praeessent.  Quod  astronomicam  Aegypti  diuisionem  attinet,  primum  nemo  nescit,  Aegyptum ¬
  superiorem,  quam  Mares,  Mapuc,  Solarem,  vocarunt,  atque  inferiorem,  quae  Sahit,
CaZur,  cabur,  Inferior,  Septentrionalis  vocatur,  a  veteribus  discerni.  Similis  est  Zodiaci
diuisio  in  Hemisphaerium  inferius  et  superius,  vel  solare  et  lunare.  Alia  ratione  Aegyptum  in
tres  partes,  superiorem,  mediam  et  inferiorem  diuiserunt,  quibus  respondent  Zodiaci  Trientes,
scilicet  vernus,  aestiuus  atque  auctumnalis  66).  Deinde  Herodotus  atque  Diodorus  Siculus  narrant,
antiquitus  Aegyptum  in  12  prouincias  diuisam  fuisse,  atque  singulis  his  partibus  aliquem  regen
propositum  fuisse  67).  Eadem  est  ratio  Zodiaci,  cuius  12  partibus  totidem  numina  praesunt.
Huc  facit,  quod  non  solum  Aegyptus,  sed  etiam  aliae  ciuitates  ad  instar  Zodiaci  in  12  prouincias
diuisae  fuerunt.  Sic  Iones  12  vrbes  seu  prouincias  tenebant  (Herod.  I.  143),  quarum  image
erat  Panionium,  Labyrinthi  species.  Hinc  illi  12  generationes  inter  se  distinguebant.  Totidem
generationibus  Achaei  constabant  (Her.  I.  145).  Porro  nemo  nescit,  Sesostridem,  antiquissimum
regem,  totam  Aegyptum,  ab  Elephantines  inde  insula  vsque  ad  mare  medium,  in  36  nomos
diuisisse,  totidemque  praefectos  in  iis  constituisse.  His  vero  36  nomis  ex  asse  respondent  36
Zodiaci  decuriae  cum  dominis  suis,  seu  Decanis  68).  Praeterea  hac  ex  re  Horiorum  Aegyptiacorum ¬
  ratio  explicari  posse  videtur  69).  Vidimus  enim,  quod  veteres  iam  mirati  sunt,  Aegyptiorum -
  Horia,  quum  Chaldaeorum  ratio  maxime  simplex  et  constans  sit,  spatiis  omnia  inter  se
differre  et  discrepare,  ita  vt  eadem  signorum  Horia  nunc  vnum  gradum,  nunc  duos,  nunc  plures
sine  ordine  et  ratione  amplecti  videantur.  Huius  vero  rei  ratio  in  geographia  Aegyptiaca  latuisse
videtur.  Scilicet  quum  Aegyptus  instar  Zodiaci  etiam  in  Horia  diuideretur,  atque  Horiorum  60
domini,  seu  Horiocratores,  quemadmodum  Decani  in  nomis,  colendi  essent,  ratio  haberi  debebat
60  vrbium  vel  pagorum,  quibus  templa  Horiocratorum  constituerentur.  Quum  vero  60  vrbes
illae  vel  pagi  variis  interuallis  inter  se  distarent;  accidit,  vt  Horia  coelestia  ad  modum  terrestrium ¬
  emetirentur  et  diuiderentur.  Reapse  Strabo  tradit  (XVII.  787.),  Nomum  quemque  diuisum -
  fuisse  in  Toparchias,  Toparchiam  quemque  in  Communitates,  quae  respondent  singulis  Zodiaci
Horiis  et  gradibus.  Saltem  valde  probabile  est,  quemque  pagum  Aegyptiacum  suum  habuisse  deum
tutelarem  ac  lares  suos,  suumque  templum  vel  sacellum  pro  iis.  Denique  cuinam  non  in  mentem
venit  Labyrinthus  ille  Aegyptiorum  celeberrimus?  Labyrinthi  enim,  qui  a  duodecim  regibus  (dis)
66)  Vid.  supra  P.I.  §.  5.  col.  §.7.  pag.  13.14.  Jeremias  cap.  8.  v.3.
67)  Herod.  Lib.  II.  §.147.  col.  137.  Diod.  S.  L.I.  p.41.  p.  135.
68)  Vid.  sûpra  P.I.  §.  17.  pag.  23.
69)  Vid.  supra  P.  I.  §.  18.  pag.  25.  Diodor.  Sic.  I.  37.  Strabo  L.17.  in.