441.
ottroyons par ces presentes imprimer, faire imprimer, & vendre ledit liure tant de fois & en tel nombre que bon leur semblera, durant le terme de douze ans ensuiuans & consecutifs à commencer au iour & date que ledit liure aura esté acheué d'imprimer par eux, sans ce que ce pendant & durant ledit temps & terme de douze ans ensuiuans aucuns Marchands, Libraires, Imprimeurs,ne autres quelconques, s'ilz ne sont commis & appellez par lesdits de Strada & Guerin, le puissent imprimer ou faire imprimer, grauer pourtraire ou contrefaire lesdites figures, pour le vendre ou distribuer en noz Royaume, païs, terres, & seigneuries, sans le vouloir & consentement d'iceux Strada & Guerin. Si vous mandons & commandons à chacun de vous endroit soy, & si comme à lui appartiendra que de noz presentes, grace, permißion & ottroy, vous suffrez & laissez lesdits de Strada & Guerin iouir & vser plainement & paisiblement. Et faites ou faites faire inhibition & defenses de par nous à tous Marchands, Libraires, Imprimeurs, & autres personnes quelconques,autres que ceux qui seront commis par lesdits supplians, sur peines grandes à nous à appliquer de perdition dudit liure & de tout ce qu'il y mettront, de imprimer, ne faire imprimer,ne exposer en vente ledit liure, sinon celui qui aura esté imprimé par lesdits supplians ou leursdits commis sans leursdit consentement,comme dit est,à ce qu'ilz puissent se rembourser des fraiz & mises qui leur conuiendra faire à ladite impreßion. Car tel est nostre plaisir, Non obstant oppositions & appellations quelconques, mandemens on defenses à ce contraires, lesdites inhibitions & deffenses tenans. Donné à saint Germain en Laye le
II
.
de Iuillet lan de grace Mil cinq cens cinquante trois, & de nostre regne le septieme.
Par le Roy, le Seigneur de Rossy Maistre des
Requestes ordinaire de L'hostel, present.
Signé Mathieu.
Ledit liure fut acheué d'imprimer le sixieme de Nouembre 1553.