Full text: Du Choul, Guillaume: DISCOVRS DE LA RELIGION DES ANCIENS ROMAINS

103.


est situé au cerueau de l'homme: la paignants les Anciens armée d'vne aegide, qui estoit enrichie du chef de l'vne des Gorgones:signifiants par cela, que l'homme saige doibt porter l'imaige de terreur contre ses ennemys. La sommité de son morrion estoit decorée d'vn panache, pour signifier l'ornement de la teste de l'homme. Elle estoit vestue de trois accoustrements differẽts, qui signifioyent que la saigesse doibt estre cachée. La picque, qu'elle portoit à la main, denotoit que la pruden ce regarde & frappe de loing.


   En la tutelle de Minerue fut mise la Chouëtte (comme nous auons dit) par laquelle donnoyent à congnoistre les Anciẽs, que la saigesse tenoit en tenebres sa propre spledeur. Et ce que nous auons mis cy dessus, nous a

treselegammẽt laissé par escript Ouide en sa Metamor phose soubs ces mots,
At sibi dat clypeum, dat acutoe cuspidis hastam,
Dat galeam capiti, defenditur oegide pectus,
Percussámque sua simulat de cuspide terram.
Edere cum baccis foetum canentis oliuoe, Miraríque Deos:operis victoria finis.




   Varro dit qu'elle fonda la cité d'Athenes, et pour telle raison nommée Minerue des Grecs ΑΘΗΝΑ, quasi ιἔθὰνατος παςθένος, c'est à direvierge immortelle:pource que la saigesse (comme dit Fulgence) ne peut estre corrompue,

ny mourir. Porphyrius a dit, que Minerue n'est autre chose que la vertu du Soleil, qui donne au cueur des hõmes le fçauoir, né de la sommité de l'air: & c'est la cause que les Poëtes (cõme nous auons dit) ont fainct qu'elle estoit descendue de la teste de Iupiter. Tous les Physiciens recitent, que la vertu intelligible est mise au cerueau de l'hõme, comme dedans vne forteresse du corps. 

Note to user

Dear user,

In response to current developments in the web technology used by the Goobi viewer, the software no longer supports your browser.

Please use one of the following browsers to display this page correctly.

Thank you.

powered by Goobi viewer