Les Anciens la nommerent Mere des Dieux, pource qu'à la semblance d'vne mere elle produit & nourrit toutes choses. Et cõme mere de la terre (ce dit Phurnutus) les Romains & les Grecs luy attribuerent plusieurs

puissances, & la nommerent de plusieursnoms, vne fois Sybele, Ceres, la Terre, Proserpine: d'autrefois mere des bestes (& tout ainsi la nomme Lucrece) Vesta, & Diane. Et qu'il foit ainsi, i'ay deux medailles de brõze Grecques, en l'vne desquelles se voit Diane Conseruatrice d'vn costé, & caracteres Grecs qui disent, ΣΩΤεΙΡΑ: & de l'autre, le fulgure qui luy estoit attribué comme à

Vesta: & telle inscription, ΒΑΣΙΛΕΩΕ ΑΓΑΘΟΚΛΕΩΣ. Battue la medaille par le Roy Agathocles en l'honneur de Diane Conseruatrice, qui estoit adorée en Sicile. MED. DE AGATHOCLES.
BRONZE.
   Par l'autre medaille Grecque est representée Sybele auecques sa coronne rurrite, du costé droit: & du costé gauche, le fulgure de Ioue auecques ses sagettes. Et pour estre la medaille fruste, n'auons peu tirer des caracteres Grecs sens qui soit bon.