LA COMMVNE opinion des ancíens Historiographes nous seruira de tesmoignage, Tresillustre Seigneur, que

Ianus Roydes Latins tresantique cõmença le premier à edifier temples à l'hõneur des Dieux immortels: les autres remettẽt la religion à ceux de Cre te, à Phoroneus & à Dionysius. Et depuis toutes les Republicques, Princes, & Empereurs, qui eurẽt la volõté bonne à l'endroit de la pieté, mirent toutes leurs forces aux ornemens magnifiques de leurs

temples: mais de tous lon tient pour asseuré, que les Romains garderent & obseruerẽt la pieté de la religion, ayants mis grãd cure & sollicitude à la magnificence & grandeur des maisons sacrées, & dediées à leurs Dieux & Deesses. Entre lesquels se

treuue le plus entier de tous le renommé temple de Pantheon (que feit edifier par grãde somptuosité M. Agrippe, gendre de Cesar Auguste) qui se voit tout entier à Rome de forme ronde, & pour sa rõdeur nommé de chascun la Rotonde: faict de brique par le dehors, & par le dedans orné & enrichy de marbres de diuerses couleurs: & à lenuiron sont petites chappelles, ou anciennement estoyẽt colloquées les statues des Dieux, & prin-