senteurs & espisseries, de sorte que tout le lieu estoit rẽpli de bõnes odeurs,ils faisoyent vne course de cheuaux autour de ce bastiment, ou tous les cheualiers couroyẽt

en limaçon par ordre, faisants vne dance d'une mesure, qui sảppelloit Pyrrique.Semblablement les coches couroyent alentour, gardants vn mesme ordre, dessus lesquelles estoyent montez les Cochiers & Gouuerneurs de ces chars,accoustrez & vestus de pourpre,comme ve loux cramoisy, portants masques sur le visaige, qui retiroyent aux Capitaines & Ducs Romains, des Princes & des Empereurs du temps passé, qui suyuoyent l'ordon nance des autres.Et depuis que toutes ces choses estoyẽt Faictes,celuy qui succedoit à l'Empire, prenant vne torche alumée, boutoit le feu au tabernacle, & apres luy tous les autres par tout l'edifice:de maniere que tout incontinent & soubdain, pour la seicheresse des sermens, espiceries & parfums, qui auoyent esté mis là dedans,

se leuoit en hault vne flamme merueilleuse. Et du petit tabernacle qui retiroit à vne petite tour,mõtoit amont auec le feu,vne aigle en l'air, laquelle (cõme croyoyent les Romains) de terre portoit l'ame de l'Empereur aux cieux: & deslors l'adoroyent & luy faisoyent temples, pour monstrer sa deification. M. AVRELE. FAVSTINE.
BRONZE. BRONZE.