ou estoyent, d'une part, les plus nobles enfans de la cité & patrices, & de l'autre, les plus illustres & honorables Dames de Rome, lesquels chantoyent tous ensemble

hymnes & cantiques, que lon a de coustume de chanter aux funerailles, faicts d'une piteuse rythme & lamentable. Ce faict,soustenants derechef ce lict , ils le portoyẽt hors la cité en vn lieu nommé, le Champ de Mars: ou estoit dressé au milieu vn parc, à la semblãce d'un tabernacle quarré,esgal de tous les costez, qui n'estoit faict dảutre matiere, que de grands bois mis ensemble,lequel par dedans estoit plein de sermens & fagots secs, paille, pouldre et autre matiere seiche: & par dehors richemẽt accoustré & couuert de custodes brodees dỏr, de statues dỷuoire, & de diuerses painctures. Au dessus de ce taber nacle il s'en trouuoit vn autre de façõ semblable au premier, mais plus petit, & dỏrnemẽts couuert à la forme de celuy de dessoubs, qui auoit les portes & fenestres ouuertes: & tout ainsi suiuoit le troisiéme, & le quatriéme tousiours moindre, que celuy de dessoubs, iusques au dernier, qui estoit le plus petit de tous. Lon pourroit comparer le modelle de ce bastiment aux tours que lon bastit, & sont releuées sur les ports, pour garder les nauires, qui regardent le feu de ces tours la nuict, qu'elles puissent asseurémẽt prendre port, nommécs par aucuns

Fanals, & des Anciens Pharos. En portant doncques le lict sur le second tabernacle, ils boutoyent grand quantité d'espisseries, de parfums, de fruits, d'herbes & onguents de bonne senteur, de toutes les parties que la terre porte. Car il ne setrouuoit nation, cité, ou personne de dignité ou d'hõneur, qui ne s‘efforçast de faire, & à l'enuy ce dernier don à l'Empereur, qui estoit decedé. Apres qu'ils auoyent amassé vn grand tas de toutes ces