PHILIPPE. VALERIAN.
ARGENT. ARGENT.
    Encores n'est-ce pas tout, car ces folles & superstitieuses

nations donnerent autant de noms variables à ce Dieu, comme nous faisons au seul Redempteur des hommes: le nommãt vne fois Victorieux, cuidants qu'il dõnast la victoire, figurãts alors son simulacre qui portoit sus sa main droitte la Victoire, & de l'autre son sceptre, qui estoit indice de son Empire: d'autrefois la Victoire le coronnoit d'une coronne de laure, comme celuy qui donnoit la victoire. Et de telle figure ie l'ay graué

en vn Cassidoine antique, non guere moins grand qu'une medaille, pierre anciennement consacrée à Iupiter Fulgurateur, pource qu'elle iette le feu: & telle raison la faict seruir pour les arquebuz.