Full text: Du Choul, Guillaume: DISCOVRS DE LA RELIGION DES ANCIENS ROMAINS

51.

   Les Historiographes recitent, que Tarquinius Superbus

despendit en la fondation de ce temple quarante mille liures d'argent. Et oultre les autres ornements somptueux, qui se trouuoyent là dedans, estoit vne statue

dὈr de dix pieds dῊauteur, six tasses d'emeraude, six vases murrhins, qu'apporta Pompee de l'Asie, en son triomphe. Là se trouuoit vn petit manteau de laine teint en pourpre, qui effaçoit toutes les robbes de l'Empereur

Aurelian, & qui les rẽdoit de couleur de cendre, ayant esgard à la splendeur diuine qu'il auoit. Lon dit que c'estoit vn present de l'Indie interieure, qu'auoit esté faict au Roy des Perses, & depuis il l'auoit enuoyé audit Empereur. Dessoubs ce temple estoit vn coffre de marbre,

ou repousoyent les liures Sybillins, gardez par dix hommes, nommez des Romains Decemuirs. En ce tem ple estoit encores vne retraicte secrette, l'entrée de laquelle n'estoit permise qu'aux sacerdotes: & trois chappelles d'une mesme façon, comme dit Halicarnasseus.

En celles du milieu estoit Iupiter, aux autres deux, c'estassauoir à la main droitte, celle de Minerue, & à la gauche, celle de Iuno. Et là recire Pline qu'il auoit veu vn chien de bronze, qui lechoit vne siene playe, qui estoit faict par vn merueill eux artifice.
   Ie ne laisseray à escrire auant que de passer oultre,

que l'aigle entre les autres animaulx fut principalement dediée à Iupiter, ne voulants signifier autre chose les Anciens, que ainsi que l'aigle est Royne & maistresse de tous les oyseaux: tout ainsi Iupiter est le Seigneur & le maistre de tous les autres Dieux. Parquoy autant les Grecs que les Romains ont quasi tousiours accompaigné Iupiter de son aigle: ce qu'ils ont monstré par vne infinité de medailles.
ALE


Note to user

Dear user,

In response to current developments in the web technology used by the Goobi viewer, the software no longer supports your browser.

Please use one of the following browsers to display this page correctly.

Thank you.

powered by Goobi viewer