Le temple de l'Esperance estoit à Rome, & son simulacre adoré des Romains de telle effigie qu'il est veu par les medailles d'Hadrian, d'Antonin Pie, de Traian, & de Plotine, auecques leurs inscriptions, SPES POPVLI ROMANI. SPES PVBLICA. SPES AVGVSTA. HADRIAN. ANTONIN PIE.
BRONZE. BRONZE.


   Partoutes ces deuises nous auons clerement entendu que c'estoit que la Concorde & l'Esperance: il demeure à paindre la Foy, qu'estoit anciẽnement paincte auec deux mains droittes iointes ensemble, deuise ou symbole d'une vraye amitié, de laquelle vsent en noz petits aneaux dὀr les orfeures par toute la France encores auiourd'huy. Les Romains l'accõpaignerent de l'Amour, de l'Honneur, & de Verité. Et tout ainsi elle se trouue à Rome insculpée en marbre blanc, comme la figure le represente.