Full text: Du Choul, Guillaume: DISCOVRS DE LA RELIGION DES ANCIENS ROMAINS

323.


estoit grand, il ne le fault point trouuer estrãge: car les Romains, quand ils venoyent à construire, fonder temples & religions, ils adioustoyẽt fonds & possestions, gaiges & reuenuz, dont la nourriture des prebstres prouenoit auecques les oblations. Et faisoyent les

Roys & Empereurs fondations semblables à celles, que nous appellons Royales, & dont les prebstres prenoyẽt le reuenu par les mains du Questeur: comme les nostres les prennent du Receueur du domeine. Ce que monstre Tite Liue, quand il dit, que Numa institua les Flamines & les vierges Vestales, & ordonna leurs gaiges & reuenu du public. Ce que les autres fondateurs (il ne fault point doubter) obseruerent tousiours depuis. Et si nous regardons curieusement, nous congnoistrons que

plusieurs institutions de nostre religion ont esté prises & translatées des cerimonies Aegyptienes, & des Gentils: comme sont les tuniques & surpelis, les corõnes que font les prebstres, les inclinations de teste autour de l'autel, la pompe sacrificale, la musique des temples, adorations, prieres & supplications, processions & letanies: & plusieurs autres choses, que noz prebstres vsurpent en noz mysteres, & referent à vn seul Dieu

IESVSCHRIST ce que l'ignorãce des Gentils, faulse religiõ & folle superstition representoit à leurs Dieux, & aux hõmes mortels apres leurs consecrations.
FIN DE LA RELIGION ET ANTI-
QVES CERIMONIES DES
ROMAINS.

Waiting...

Note to user

Dear user,

In response to current developments in the web technology used by the Goobi viewer, the software no longer supports your browser.

Please use one of the following browsers to display this page correctly.

Thank you.

powered by Goobi viewer