ste, missa est. Et ce mot donnoit à entendre à ceux qui auoyent esté au sacrifice, qu'il estoit temps de se retirer. Tous ces sacrifices se faisoyent en leurs temples & basiliques, que les nostres pour l'usage de nostre religion ont vsurpé. Et la nraison, que du commencement les Princes auoyent de coustume d'estre assemblez en ces basiliques.

Et deuant le siege, qui estoit ordonné pour le Prince, ou pour celuy qui rẽdoit la iustice, estoit mis vn autel auecques grande dignité, & autour de l'autel le chore tresbeau. Le demeurant de la basilique, comme les ambulations, portiques, & galeries, estoyent ordonnées pour donner lieu cõmode au peuple pour se pourmener, attendant que le sacrifice se feroit. Et certainement il n'est rien, en quoy il soit necessaire de mettre plus de diligen ce, d'esprit, d'industrie, & de cure, qu'à bien edisier noz temples, & de les decorer de choses triomphãtes & magnifiques:

pource que le temple qui est bien serui & bien orné, apporte grand decoration à la cité, ou il est. Et si nous faisons palaiz, & grands edifices pour nostre demeurance, que debuons nous faire à Dieu Immortel, que nous appellons à nostre sacrifice & à noz prieres. Et se trouuera chose bien duisante pour decoration de la pieté, dảuoir temples qui delectent nostre couraige, & nous detiennent auecques leur grace & admiration.

Et en cela les Anciẽs asseuroyent que la pieté estoit honorée, quand nous frequentions noz temples, & faisiõs sacrifices aux Dieux. Ce que nous ont mõstré par leurs medailles Cesar Auguste, Vespasian, nerua, Marc Aurele, tous bons Empereurs, dediez à la religion, ou lon peut veoir les enseignes d'une gracieuse volonté, & la pieté par les vaisseaux, & autres choses que nous auons veu par figure, qui sont asses cõgnues par la declaration