La raison qui faisoit manger les Anciens ensemble, n'estoit point pour se remplir de viandes: car là ils tastoyent la chair legerement, plustost qu'ils ne la mangeoyent: mais c'estoit pour entretenir l'amytié auecques telle façon de viure, qu'estoit remplie de bons enseignemens, qu'ils rapportoyẽt en leurs maisons, plus enuieux de la vertu. En apres ils offroyent de leurs biens, comme gens de pieté, selon que leur pouuoir & faculté le portoit.

Et telles offertes estoyent distribuées à ceux qui estoyent en necesité:que pleust à Dieu, que telle coustume fust retournée à nostre vsage. Et en mangeant lon chantoit hymnes & cantiques accommodez aux louënges diuines, qui estoyent, c'estassauoir à Diane, vn

hymne, qui se nommoit hyppingos: à Apollo, paean, vel hyporchema, qui se chantoit principalement pour faire cesser la force de la peste. L'hymne d'Apollo & de Diane se nommoit prosodia: a Ceres, ïulus, pour le froment. Les hymnes Veneriens estoyent appellez erotiques, cõme si tu disois amatoires, & pleins dảmour : à Dionysius, dithyrãbus, hymne obscur & entremeslé. Les yurongnes auoyẽt leurs hymnes à part, duquel Aristophane a

parlé in Ranis, qui se disoit ϰפαιπαλὸϰωμος: pource que les Grecs nomment ϰפαιϖὰλνμ la tremeur & tremblement de la teste qui vient du vin, & ϰῶμομ comessation ou bãquet, ou bien (si tu veux)festin plein d'intẽperance & yurongnerie.
   Quand les choses diuines estoyent faictes, & les cerimonies acheuées, le prebstre disoit les derniers mots.Ce

que monstre Virgile, quand il dit,
Dixitque nouißima verba.

   

C'estadire, I licet, pour monstrer qu'il estoit temps de s‘en aler:cõme noz prebstres disent à la fin du seruice diuin,