MEDAIL. GRECQVE D'HADRIAN.
BR.
   

Depuis les Victimaires furent introduits pour appriuoiser & domestiquer les bestes, pour obuier aux cho ses qui pouuoyent suruenir & troubler les sacrifices. Et delà vint la superstition des victimes, & d'espreuuer si la beste refusoit d'estre tirée iusques à l'autel. Toutesfois

Cesar (comme recite Tranquillus) desprisa telle religion: & encores que la victime refusa le sacrifice, il ne laissa pour cela de combattre auecques la bonne fortune. Et comme les hosties debuoyent estre preparées pures & entieres, tout ainsi les sacerdotes qui debuoyent celebrer les sacrifices, s'ils n'estoyent de mesme qualité, ils n'estoyent point receus à la celebration des choses diuines: comme le monstre Pline, parlant de Sergius, au

septiéme liure de l'histoire naturelle. Il estoit donc requis, que toutes ces bestes fussent entieres & saines, sans estre blessées en nul endroit & sans macule. Et pour cest affaire vserent les Anciens d'vne grande diligence, & principalemẽt ceux qui offroyent ces bestes. Les Sacrificules, Ministres & Victimaires, & encores les sacerdotes tresexperts & exercitez en ces affaires, cherchoyent