Si la victime petite debuoit estre immolée, elle estoit coronnée du rameau de l'arbre, qui estoit dedié au Dieu, auquel se faisoit le sacrifice: ou bien elle estoit accoustrée

d'vne infule de laine, de laquelle pendoyent deux liens, qui sont nommez en Grec ταινίαι, & vittae en Latin. Et en tel ornement demeuroit la victime deuant lἇutel, sans estre lieé: chose quủestoit ordinairement obseruée (comme

dit Pline) de ceux qui faisoyent les sacrifices:toutesfois il fault entẽdre, que c'estoit la coustume, ce pendant que lon faisoit le sacrifice: car au parauant les victimes

estoyent liées, comme nous monstre Iuuenal en disant,
Sed procul exten sum petulans quatit hostia funem.

   Et si par fortune la victime, quand elle estoit menée à l'autel, eust resisté violẽtemẽt, & qu'elle eust esté tirée par force iusques là, ou qu'elle eust prins la fuitte, ou qu'elle eust crié, depuis qu'elle auoit esté frappée par le Victimai re, ou qu'elle fust tõbée sus vn autre costé qu'elle ne debuoit,

les Romains penserent que cela leur annonçoit vn malheureux augure, & que la victime estoit offerte oultre le vouloir des Dieux: & l'hostie qui s'en estoit fuye, estoit mactée la part ou les ministres des sacrifices l'auoyent arrestée. Et la beste qui demeuroit de son bon

gré, ils estimoyent que c'estoit par le moyen de la diuine voulonté: & que le sacrifice estoit acceptable aux Dieux quand elle se monstroit patiente. Ce que nous lisons en Virgile par ces mots,
Et ducens cornu stabit sacer hircus ad aram.

   & cõme lon peult veoir par la medaille Grecque d'Hadrian.