Full text: Du Choul, Guillaume: DISCOVRS DE LA RELIGION DES ANCIENS ROMAINS

286.

pouuoyent porter au temps des chaleurs, ils se lierent la teste d'vn filet: car il ne leur estoit permis d'aler la teste nue. Toutesfois aux iours des festes il leur estoit necessaire

de prendre leur chapeau, pour monstrer la dignité de leur sacerdoce.
   Oultre toutes ces choses les prebstres auoyent la teste

rase, à la maniere des Aegyptiens. Ce que nous enseigne

Pline, & deuant Pline Herodote, qui escript, que les prebstres portoyent leurs cheueux ailleurs, mais en Aegypte, non. Et Cõmodus Antoninus se feit raire, pour

porter (comme dit Lampridius) le simulacre d'Anubis, suyuant telle coustume Isiaque. Lon diroit que lon a defendu à noz prebstres de nourrir leurs cheueux, combien que les escripuains ecclesiastiques l'interpretẽt autrement,

& principalement S. Hierosme, qui d it, que la

raseure de teste est la deposition de toutes choses temporelles: & que par la coronne que portent les sacerdotes, est designée la coronne du Royaume celeste.
   Pour suyure la cerimonie de noz sacrifices, quand ce venoit à sacrifier, le sacerdote portoit la main iusques à sa bouche, & se tournoit cõme font noz prebstres en

nostre religion. Et sunt vertigines in sacris à Numa inctitutae. Les ioueurs de flustes & les citharedes estoyent receus

aux sacrifices, qui chantoyent hymnes & peanes, pour garder que les assistants ne feissent autre chose

que d'estre attentifs au sacrifice. I'ay obserué que les flustes desquelles ils vsoyent es choses sacrées, estoyent de bouïs: & celles qui seruoyent pour les ieux, estoyẽt d'argent. Si l'hostie estoit grande, elle marchoit pour estre immolée, auecques le frõt & les cornes dorées, enrichie

de petits chappelets, & patenotres dorez, qui luy pendoyent des cornes deça & dela, accompaignée des Victimaires,
M 2

Waiting...

Note to user

Dear user,

In response to current developments in the web technology used by the Goobi viewer, the software no longer supports your browser.

Please use one of the following browsers to display this page correctly.

Thank you.

powered by Goobi viewer