Full text: Du Choul, Guillaume: DISCOVRS DE LA RELIGION DES ANCIENS ROMAINS

284.


differentes victimes. Le bouc estoit immolé à Bacchus, pource qu'il est nuysant aux vignes, & mange les raisins. A Ceres estoit mactée la truye, pource qu'elle gaste les blez: le chien & la biche à Diane: le cheual à Neptune, qui fut le premier qui trouua le moyen de dompter & de bien picquer vn cheual: à Faunus, la cheure: le taureau à Iupiter: le coq à Aesculapius: l'oye à Isis, & plusieurs autres, qui seroit chose trop prolixe à mettre par escript. Le Flamine ou le prebstre qui faisoit le sacrifice, estoit vestu dύne robe de toile de lin pure &

blanche, que les Latins ont nommé Alba vectis, & le vulgaire vne aulbe: pource que la couleur blanche est gratieuse à Dieu: & se disoit pure & religieuse la robe, celle qui estoit sa ns macule & sans figure, & de laquelle ceux qui debuoyent faire le diuin seruice, vsoyent aux iours des festes solennelles: pource que le lin sort de la

terre: & toutes choses que la terre porte, sont estimées pures & mundes. Encores auiourdhuy noz prebstres à la pompe de leurs sacrifices sont vestuz de linge blanc. Telle coustume lon diroit auoir esté translatée des Aegyptiens sacerdotes, qui auoyent leurs habits de lin tresaggreables, & de l'espece du lin qui est appellé xylon: & de

là fut nommée la robe xyline, cõme Pline le monstre au dixneufuiéme liure de l'histoire naturelle. Et Cicero dit

en ses loix, que la couleur blanche est principalement

entre les autres agreable à Dieu: & que les teinctes ne debuoyent point estre receuës sinon aux accoustremẽts militaires, qui seruoyent pour les gens de guerre. Et tel habit estoit commun aux prebstres des autres temples, qui estoit si large & si long, que sans estre troussé il trainoit iusques à terre, si bien nous regardons l'antique sacrifice cy dessoubs mis.
M

Waiting...

Note to user

Dear user,

In response to current developments in the web technology used by the Goobi viewer, the software no longer supports your browser.

Please use one of the following browsers to display this page correctly.

Thank you.

powered by Goobi viewer