ieusne nous extenuons le corps: qui feit garder aux Pythagoriens

la table sobre & sacrée, & par telle temperance venir à viure longuement. Les Brachmanes ne receuoyent en leur colliege & en leur ordre, que ceux,

qui se vouloyent abstenir de la chair, du vin, & des vices.

La sobrieté est non seulement profitable pour l'ame, mais encores pour le corps: pource qu'elle chasse les maladies, qui ont coustume de venir par trop grande reple tion. La sobrieté esguise l'esprit, & le reuoque à tous ses offices particuliers. Brief il ne se treuue riẽ de plus louäble à l'endroit des hommes, que la sobrieté. Et si bien

nous regardons Tite Liue au trentecinquiéme, nous trouuerons que le ieusne fut obserué par les Anciens, quand il mõstre, que pour les prodiges les Dix-hommes, par le commandement du Senat, regarderent les liures

Sibilins: & apres ils firent leur raport, qu'il estoit necessaire d'instituer le ieusne à la Deesse Ceres, cõmandãts qu'ils fussent cõtinuez de cinq ans en cinq ans. Quant à

la chasteté, elle proffite à l'ame & au corps. Ce que iadis monstrerent les sacerdotes des Atheniens, qui furent

nommez des Grecz Hierophantes: & pour rẽdre leurs sacrifices plus chastes, ils se chastroyent en beuuant du ius de la cigue. Encores n'estce pas tout: car nous debuõs estre libres de toutes passions, qui blessent le cueur, & peruertissent le iugement de la raison: comme lon peut veoir par les ambitieux, qui sont pleins de ces passions, que Cicero en ses Questions Tusculanes, a nommées maladies du cueur pestiferes. Il fault laisser & fuir toutes

ces affections sensitiues, imaginations & opinions tant differentes, pour venir à vne vraye affection diuine, qui nous conduira à la bienheureuse & perpetuelle fin. Et pour l'eaue, de laquelle les Anciens se lauerent,
L 3