Full text: Du Choul, Guillaume: DISCOVRS DE LA RELIGION DES ANCIENS ROMAINS

274.

   Et ce que les Gentils faisoyent en leurs ridicules superstitions, nous auons trãsferé à nostre religion Chrestienne, en faisant consacrer & benistre noz petits Agnus Dei & noz cloches, qui prennent par ce moyen vne

vertu pour chasser la tempeste & le mauuais temps. Et tout ainsi le sel & l'eaue, par leurs benedictions & exorcismes, prennent vne force & vertu pour dechasser les mauuais esperitz.
   Apres auoir longuemẽt discouru, ie me suis souuentesfois esbahi, comme les Gentils demeurerẽt si longuemẽt en leur religion faulse, superstitieuse & cõtrouuée,

laissants la nostre qui est vraye & venue de Dieu. Mais quelle faulse opinion estoit entrée en si grand nombre de gens saiges, modestes & vertueux, que de croire que

ce grand pere omnipotent Iupiter Optimus Maximus eust esté vaincu d'un si grand nombre de voluptez detestables entre gens de bien, & de croire qu'il auoit le pouuoir, comme Tonant & Fulgurateur, de ietter son fulgure & ses sagettes ou bon luy sembloit: ouurage certainement

de leurs Demones & mauuais esperits, qui les ont tenus si longuement en cest erreur. Aussi bien pouuoyent croire les Romains, que IESVSCHRIST auoit resuscité les morts, comme leur Aesculapius, qu'ils firẽt monter au ciel tout fouldroyé, & de penser qu'il estoit né d'une vierge, comme ils cuyderent que Vesta estoit vierge & mere des Dieux. Et si estoyent bien aueuglez de refuser de croire que nostre Seigneur auoit rendu la veuë aux aueugles, veu qu'ils asseuroyẽt que Vespasian

l'Empereur auoit faict vn tel miracle en Alexandrie. Pouures Romains, pouures Gẽtils aueuglez d'ignorance, dignes certainement de grand pitié & de cõpassion, qui adiousterent foy à toutes ces fables, sans auoir congnoissance 
Waiting...

Note to user

Dear user,

In response to current developments in the web technology used by the Goobi viewer, the software no longer supports your browser.

Please use one of the following browsers to display this page correctly.

Thank you.

powered by Goobi viewer