que les Romains estimerent tant, que quand ce venoit à les seruir à table, ils ne tastoyent d'autres viandes, que premieremẽt elles ne fussent mangées. Et vindrent

les irritaments de la gueule iusques là, que du tẽps d'Auguste elles estoyent farsies, pour estre trouuees meilleures. Puis apres des asperges dessoubs vne poule grasse,

qui estoit vne viande friande, que Caius Annius Fannius defendit à Rome par edict de n'estre presentée à table, & que l'on ne seruist que de poules, qui ne fussent point engressées. Et qui vouldra sçauoir comme les Anciens les faisoyent grasses, lise Columelle & Varro, qui enseignẽt de la gueule ingenieuse la façon de faire. Puis fut mis vn plat d'huitres & pelorides. Et ce qu'il nomme

balanos nigros, balanos albos, ne peult estre exprimé de nom François: non plus que spondylos & glycomaridas, que lon dit estre vne espece de moules: des orties de mer,

qui sont poissons nommez barbarement Cud'asnes: des becquefigues, ramiers, vne longe de sanglier & cheureau, des poules & becquefigues en paste, ou biẽ armez de farine: des pourpres, ebures, que les Latins ont nommez purpuras & murices, que autrement se peuuent nõmer limazde mer. De ces couquilles tiroyẽt les Anciens

ceste liqueur pretieuse pour teindre les robes, & pour les manger: qui a faict dire à Seneque en la premiere epi stre de son quatorziéme liure semblables paroles: Combien de sortes de couquilles apportées de lointains païs

passent par l'estomach insatiable des hommes? O personnes malheureuses, qui ne congnoissez, quevostre appetit est plus grand, que vostre ventre! Au second seruice

furent mis sus table la vre dύn sanglier, vn plat de poisson cuit dedans la poile, auec leur saulce: vn plat de

sõmade, qui se faisoit de la tetine dύne truye, qui auoit
H 3