Full text: Du Choul, Guillaume: DISCOVRS DE LA RELIGION DES ANCIENS ROMAINS

255.

vn taureau, qui auoit les cornes garnies de bouquets & de roses, auquelle front reluisoit pour l'or qui estoit par dessus. Et estant arriuée la victime sus le milieu dudict pont, ou elle debuoit estre immolée, le Victimaire luy ouuroit la poictrine auecques vn cousteau

sacré: & de là sourtoit vne grande a bondance de sang tout bouillant, qui śespandoit par les troux, quiestoyent expressemẽt faicts sur ledict pont: qui tomboit comme vne rosée sus la teste du grand Pontife, qui la. presentoit à chascune goutte de sang. Et apres qu'ilestoit bien ord & bien sale, toute sa personne bien puãte, il presentoit encores ses oreilles, le nez & les ioues, & se frottoit les yeux & les leures de ceste liqueur, sans pardonner à sa bouche, ou à sa langue, qu'il arrosoit de ce sang noir. Cela faict, les Flamines leuoyent le pont, & tiroyent le grand Pontife dehors, qui se presentoit horrible de regard, monstrant sa teste, sa barbe, sa mitre, sa robe: cõme si ce fust esté vn iurongne. Et tout ainsi accoustré & sordide il estoit adoré & salué de chascun, apres qu'il auoit esté laué de ce vilain sang, qui estoit sorti de ce beuf mort. Les autres cerimonies estoyent le festin, qui estoit acoustré pour les petits Pontifes, Flamines, Archiflamines, & autres dignitez sacerdotales: qui se faisoyẽt magnifiquement, & non point auecques

moindre despence, que le souper des Pontifes: duquela parlé Macrobe, que ie reciteray, pour mõstrer la façon de leurs magnifiques banquets. A l'entrée du souper

(comme il dit) furent seruis herissons de mer, qui sont gros & ronds, & couuerts de longues espines, asses mau uaise viande, comme lon dit: des huitres crues, tant qu'il

plaisoit à chascun d'en manger: puis apres des pelorides & spõdiles, qui sont sorte de moules: des tourdes ou griues, 
Waiting...

Note to user

Dear user,

In response to current developments in the web technology used by the Goobi viewer, the software no longer supports your browser.

Please use one of the following browsers to display this page correctly.

Thank you.

powered by Goobi viewer