Toutesfois par les frises des marbres antiques qui

sont à Rome, ou sont representées toutes les enseignes de la religion, la figure du chapeau du grand Pontife est mieux veuë, que par les medailles dudict Cesar. LE CHAPEAV DV GRAND
Pontife des anciens Romains.
   Apres auoir escript des Põtifes, il ne sera point hors de propos de monstrer la solennité, cerimonies, & façon de faire de leurs consecrations: pour estre chose si ridicule, qu'elle merite estre recitée tout ainsi que Prudence

l'a laissée par escript, qui dit: Quand le grand Pontife venoit à estre consacré, il entroit dedans vne fosse expressement faicte, en son habit Pontifical, ayant sa mitre sus la teste, sa robe de soye succinte & troussée. La fosse estoit couuerte, apres qu'il estoit entré dedans, dύn petit pont de bois, qui estoit percé de tous costez. Alors le Victimaire & ministres des sacrifices amenoyent
H 2