Numa depuis la feit faire de bronze par Mamurius Oscus (c'estadire Padouân, qui estoit homme tresexpert en l'art fusile) lequel il auoit fait venir à rome pour fon dre les douze anciles, qui depuis furent portés par les Salies, comme nousverrons cy apres, en parlant de noz sacerdotes.


   Ianus estoit encores painct & nommé des Anciens Quadriforme, ou bien à quatre visaiges, quasi qu'il eust embrassé tous les climats. Et de telle figure l'a representé Hadrian l'Empereur par ses medailles. HADRIAN.
BRONZE
   l'ay encores vn temple de Ianus Quadrifrons, retiré de la medaille d'Auguste, que me donna autrefois le Seigneur Iacquomo Strada Antiquaire Mantuã, diligent perscrutateur de l'antiquité: auquel demeureront obligez tous les amateurs d'icelle, pour les tresbeaux liures des medailles qu'il fait faire, tant des Consuls, que des Empereurs, qu'il ha recueillies & amassées non sans grossissime despence, & grand labeur:ce que ie puis asseurément escrire pour l'auoir veu.