At bona posteritas Ianum formauit in aere,
Hospitis aduentum testificata Dei.

   Ie seroye toutefois de l'opinion de Macrobe, quinous

a laissé par escript, que Ianus estoit vn Roy tressaige, qui congnoissoit les choses passées, & par sa prudence regardoit à celles qui debuoyent aduenir: & pour ceste

cause les Anciens le paignirent à deux visaiges, regardãts à la prudẽce, qui passe toutes les autres vertus, pour ce que c'est la droite raison de noz actions. Et les choses que nous faisons sont variables & de plusieurs formes,

estants ordonnées à la ciuilité, à la religion, ou pour la nourriture de nostre vie: & pour ceste cause la forme, institution, & maniere de viure se peut dire la figure de lanus tresbelle, & sa nature tressimple & prudente, quifut conuertie en forme de bien viure: & pour cela instement figuré à deux visaiges pour sa prudence, qui regardoit (comme nous auons dit) les choses passées,

& celles qui debuoyent aduenir. Berose dit que Ianus fut nommé Dieu de la paix & de concorde, depuis que Romulus & Tatius eurent traicté la paix ensemble: & pour l'accord que ces deux peuples auoyent fait, fut paincte son image à deux visaiges: & la matiere de laquelle elle fut premieremẽt faicte soubs Romulus, estoit

de bois, à la maniere accoustumée des Anciens, pour signifier que les Dieux aymoient la pouureté, en laquelle se trouue l'honesteté, à ce que dit Tibulle, parlant aux Dieux soubs ces parolles,
Ne pudeat prisco vos esse è stipite factos,
Sic veteris sedes incoluistis aui.
Tunc melius tenuere fidem, cùm paupere cultu
Stabat in exigua ligneus aede Deus.