La cire fut encores en vsaige, & le sel, duquel furent trouuées statues, n’a pas long temps, dedans vne grotte aupres de Volterre. Semblablement le voirre fut asses estimé, duquel iảy veu plusieurs figures: & entre les autres iảy vn vase faict en forme de la teste d'vn Aethiopian, rempli par le fond de certaine composition antique

odoriferante, trouué en Daulphiné, auec plusieurs autres vases en la maison du Seigneur de la Motte, qui lepresenta à feu Monseigneur d'Orleans, second fils de France, auecques vn autre vase goderonné dảsses belle forme: & lesquels me donna depuis ledict Seigneur. Lỏr, l'argen,le brõze, le fer, l'ayement,l'estain, le plomb, l’yuoire, l'argile, ne furent pas espargnez pour la decoration de leurs temples, fores, & palais, qửils accompaignerent par le dedans de pierres precieuses: finablemẽt de toutes sortes de marbre amenez de lointain pảís.
   Il est temps desormais de faire fin à ce propos, & d'escrire des sacerdoces & dignitez sacerdotales, pour suyure la matiere de nostre religion. Et pour le commencement nous dirons comme les Romains eurent plusieurs

ordres & collieges de sacerdotes, qui presidoyent aux choses sacrées: cõme furent le grand & petit Pontifes, Flamines & Archiflamines, les Augures au regard des oyseaux, les Salies: & de leurs collieges, prebstres, comme sont noz Chanoines, qui furent donnez aux Empereurs apres leur deification, nommez les vns

d'Auguste, Augustales: d'Heluius, Heluiens: d'Antonin, Antoniens: d'Aurelius, Aureliens: & de Faustine, Faustiniens: qui tous estoyent ordonnez pour la religion, pieté, saincteté (qui est la science d'adorer les Dieux, cõmedit Cicero) cerimonies, pour faire sacrifices, pour
F