PHILIPPE. GALLIEN.
ARGENT. BRONZE.
   

De Ceres & de Bacchus vient l'abondance de tous biens, & de l'abondance Liberalité, Deesse tant desirée de tout le monde, qui a bien merité d'estre mise entre les

vertus. C'est la Deesse qui tire à soy l'amitié de chascun, de sorte que ceux qui sont demourants aux dernieres parties quasi de tout le mõde, sont estimez & louez par la renõmée de leur liberalité. Et encores que lon n'espere rien deux, si estce toutesfois qu'ils ont le cueur des hõmes accompaigné d'une certaine beniuolence, qui nous contraint de prescher leurs louanges. Et tout au contraire sont desprisez les auaritieux, qui se rendent pour

leur auarice hays d'un chascun. Et si nous regardons la splendeur de la liberalité de Cesar, d'Auguste, de Tite Vespasian, de Traian, & d'Alexander Mammeae, nous trouuerons qu'ils ont esté tenus en telle recõmandation,

qu'elle est demeurée resplẽdissante iusques à ce iour. Lisons Tranquille, & nous verrons que Cesar Auguste auoit de coustume de donner grand somme de deniers pour distribuer au peuple: & telle liberalité se nommoit

des Latins Congiaire. Et quand elle se faisoit aux gendarmes,

elle prenoit ce nom de Donatif: cõme lon peut
s