PETIT SIMVLACRE DE
Bacchus, qui est entre les mains de l'Auteur.
   Quand les Anciens vindrent à representer ce petit simulacre, ilz ne voulurent entendre autre chose par leur secrette theologie, sinon que la personne qui est oultré du vin, retire à vn petit enfant, qui pour son adolescence est innocent de tous ses faicts.
   De Bacchus i'ay encores deux onices antiques, qui representent son effigie toute nue, qui tient de l'vne des mains son baston, appelé des Latins Thyrsus , & de l'autre

vn raisin, ayant autour de son bras la peau & despouille d'vn Tigre, animal particulierement dedié à ce Dieu, comme nous dirons cy apres.