Full text: Du Choul, Guillaume: DISCOVRS DE LA RELIGION DES ANCIENS ROMAINS

17.

Figure
Type: drawing
HADRIAN GREC.
BRONZE.
   Laissons à part les temples dediez à tous ces Dieux & Demones pleins de superstitions: & regardons la grandeur &

magnificence du sainct temple de Hierusalem, qui a passé & surmonté dὀpulence & de richesse tous ceux, desquels nous

ayons eu la congnoissance iusques à ce iour: là ou esto it l'arche couuerte de lames dỏr fort espesses, qui estoit vn vase destiné pour les loix, ou estoyent serrez les cõmandemens, qui auoyent

esté donnez de Dieu. Là se trouuoit la table dỏr, & vne infinité de vases sacrez, dỏr & dảrgent, calices, fioles, & autres choses qui seruoyent pour la cerimonie des sacrifices. Là estoit encores le candelabre, de la tige duquel sortoyent de chascun

costé trois rameaux, à la sommité desquels se monstroyent six petites lucernes, representants les sept planettes, & la tige du milieu portoit la plus grande, par laquelle estoit figuré le Soleil. Toutes ces choses furent portées en la pompe du triomphe de Vespasian & de Titus son fils, apres la prinse de la Iudee, qu'ils commanderent estre mises au temple de Paix, auecques tous les vases & ornements que Titus auoit aportez des despouilles du temple de Hierusalem: & depuis insculpées en larc de marbre

blanc, qui fut dressé à Tite Vespasian par le Senat & le peuple de Rome: lequel se voit encores tout entier auecques plusieurs sacrifices apartenants à la religion. 

Note to user

Dear user,

In response to current developments in the web technology used by the Goobi viewer, the software no longer supports your browser.

Please use one of the following browsers to display this page correctly.

Thank you.

powered by Goobi viewer