Full text: Du Choul, Guillaume: DISCOVRS DE LA RELIGION DES ANCIENS ROMAINS

118.

   

Ceux qui ont diffini la Chasteté, ont dit, que c'est vne vertu qui vient d'un bon cueur, qui ayme trop mieux endurer & souffrir tous incõuenients, que de commettre & faire chose, qui soit infame & deshonneste. Et combien qu'elle soit forssée, la forsse ne faict point de tort à la chasteté pource qu'elle vient d'un courage, qui ne se peut corrompre, accompaigné d'une bõne & honneste nourriture.
   

Passons oultre, venons à la Deesse Liberté tant desirée des bons esprits: laquelle nous debuons, sur toute chose, cherement garder & entretenir. Et ne me seroit possible d'escrire le bien que reçoit vn homme, qui vit hors d'ambition, en sa liberté & qui ne donne le pouuoir à personne, pour les biens, de luy commander: se contentãt de mediocrité, qui le rend heureux: reiettant les biens de fortune, qui apportent souuentesfois, pour vn peu d'honneur, vn grand nombre d'inconuenients. Et considerons la tresnoble sentence de ce bon Poëte

Euripide, quand il à dit,
Nam liberum esse maximum dico bonum:
Quòd si quis est pauper, putet se diuitem.

   

Et Cicero en ses Paradoxes en la definition qu'il a faict, dit que Liberté n'est autre chose, que d'auoir la puissance de viure comme lon veut.
   

Son temple estoit au mont Auentin, enrichi de colonnes de bronze, & de plusieurs belles statues. Et par

l'oraison de Cicero, qu'il faict aux Pontises pour sa maison, nous congnoissons comme Clodius l'auoit consacrée à la Deesse Liberté. Son simulacre estoit painct
Note: Further links to external Census database:

  · Census ID10059927: »As of Galba / Libertas (RIC 70)«

en habit d'une femme stolée, qui tenoit vne haste d'une main, & de l'autre vn chappeau, deuise donnée par les Anciens à la Liberté.
o 3

Waiting...

Note to user

Dear user,

In response to current developments in the web technology used by the Goobi viewer, the software no longer supports your browser.

Please use one of the following browsers to display this page correctly.

Thank you.

powered by Goobi viewer