420.
Celeris filium fuisse, qui Tribunus pl. fuit cum Q. Vario, vt Cicero in Bruto significat. Idem, & Pontifex, & Augur fuit. Huius vxor Clodia, siue Claudia Appij, & Publij soror, de cuius impudicitia multa Cicero in oratione pro M. CAelio Rufo. Eam Appuleius a Catullo Lesbiam appellari ait, Plutarchus Quadrantariam vulgo cognominatam. Fuit eisdem temporibus L. Merellus, qui C. Caesari pecuniam ex Aerario publico efferenti Tribunicia potestate impedire
XIX.. conatus est: Cuius parentes ignoramus. Postremus Metellus sub Augusto fuit Q. Creticus Silanus Q. F. Q. N. Cos. cum A. Licinio Nerua Silano anno DCCLIX. Haec de Metellis, quorum cognomen militaris ministerii esse docet Festus Attii carmine,
Calones, famulique metellique caculaeque.
Alij Caecilij non consulares fuerunt, vt Q. Caecilius Niger Siculus Quaestor C. Verris, de quo multa Cicero in Diuinatione in Verrem. & Q. Caecilius T. Pomponij Attici auunculus, eiusque ex testamento pater. Vir auarus & populo odiosus, ob cuius hereditatem Atticus Q. Caecilius Pomponianus Atticus dictus est, & filia Attici postea nata Caecilia Attica, vxor M. Agrippae ter Cos. ex qua Agrippina nata est vxor Ti. Claudij Neronis, qui Ti. Caesar paullo post dictus est, & postea C. Asinij Galli. De Q. Caecilio Basso in Philippica
XI
. Ciceronis, fit mentio. fortis is vir fuit aduerlus barbaros. His omnibus antiquior fuit Q. Caecilius Statius poëta comicus, cui primas praesertim in argumentis veteres detulerunt. Seruus is fuit Ennii, & Plauti tempore. Post Augusti obitum consulares Caecilios tres reperio omnes suffectos. Nam Cn. Caecilius simplex cum C. Quinctio Attico ex Kal. Nou. Cos. an. DCCCXXI. sub. Vitellio Imp. C. Caecilius Plinius C. F. C. N. Secundus Cos. suf. cum Cornuto Tertullo ex Kal. Sept. sub Traiano Imp. an. DCCCLII. Hic est, cuius epistolae, & Panegyricus ad eundem Imp. exstant. patria Nouocomensis fuit. eius auunculus C. Plinius Secundus, qui naturalem historiam conscripsit. Tertis est C. Caecilius Classicus, qui biennio post cum Acilio Rufo ex Kal. Iuliis Cos. suffectus fuit sub eodem Imp.
421.
CALPVRNIA.
CALPVRNIA
familia origine Sabina, plebeia fuit, multosque habuit consulares viros, censorios tres, triumphalem vnum. Tribus cognominibus distinguitur, Pisonum, Bestiarum, & Bιbulorum. Pisonum alii Frugi, alii Caesonini, alii Pisones tantum, sine alio cognomine dicuntur. Ante obitum
I.. Augusti vndecim consulares Pisones inuenio. Antiquissimus C. Piso C.F. C.N. Hic Praetor de Lusitaneis, & Celtibereis ex Hispania triumphauit anno DLXIX. Consul fuit quadriennio post cum A. Postumio Albino; & in Magistratu mortuus est, in eius locum Q. Fuluius Cn. F. M. N. Flaccus Pisonis priuignus suffectus est. Ea de caussa suspicio orta est Quartam Holtiliam vxorem matrem
II.. Fuluii, Pisonem occidisse, & ob id damnatam fuisse ferunt. Post hunc L. Piso Caesoninus C. F. C. N. Cos. fuit an.
DCV
. cum Sp. Postumio Albino Magno. Hic superioris filius, aut nepos, & vt ex Ciceronis, & Asconii verbis elicitur,
