419.
nam Sulla Delmatici, aut L. Calui filiam, & ex ea liberos susceperat. Q. Sertorium in Hispania persecutus est adiutore Cn. Pompeio Magno, mortuo Sertorio a suis, Romam reuersi ambo ex Hispania triumpharuntan. DCXXCII. Pontificatum ante vndecim annos assecutus fuerat mortuo Q. Mucio Scaeuula. Princeps senatus lectus est LXVIII. lustro. Septimo post triumphum anno sine
XIII.. liberis mortuus est. Adoptiuum filium heredem nominis, & familiae reliquit nobilissimum virum P. Cornelium Nasicam P. Scipionis Nasicae viri consularis, & Caeciliae Q Macedonici filiae nepotem, cuius mater Licinia L. Crassi oratoris consularis, & censorij filia fuit. Hic post adoptionem Q. Caecilius Q. F. Metellus Pius Scipio appellatus est. Vxor huic Lepida, de qua cum M Catone contendit. Filia Cornelia ante adoptionem nata clarissimis nuptiis bis celebratis infelici exitu virorum superstes. Nam P. Crasso prius, qui cum patre M. Licinio Crasso Diuite a Parthis occisus est, postea Cn. Pompeio Magno, qui patris in consulatu tertio collega fuit, nupsit. Hunc consulatum Magnus sine collega iniit dilatis comitiis contentionibus candidatorum T. Milonis, & Metelli Scipionis, & P. Plautij Hypsaei, quique eorum partes non sine ferro agebant. Tunc P. Clodius seditionum princeps a Milone occisus est. Ab interrege Ser. Sulpicio Pompeius primus creatus Consul sine collega v. Kalend. Mart. iniit. Collegam socerum Scipionem habuit Kalend. Sextil. Milo damnatus est. Bellum paullo post inter Caesarem & Pompeium exarsit. Metellus generum secutus, eique superstes in Africia, ne in manus inimici veniret, se ipsum interemit. Moriens cum a militibus
XIIII.. Imperator quaeretur, dixit, Imperator bene se habet. Redeo nunc ad Macedonici nepotes. Q. Metellus Nepos Baliarici filius cognomen id retinuit, quod nepos esset Macedonici. Consul is fuit cum T. Didio T. F. an. DCLV.
XV.. ab his lex Caecilia, & Didia appellata est. Huius filius Q. Metellus Nepos, qui Tribunus pl. Ciceronem consulatu abeuntem concionem habere prohibuit, iurare tantum veteri more permisit prid. Kal. Ian. an.
DCXC
. Consul postez fuit cum P. Cornelio Lentulo Spinthere quinquennio post atque Aequiorem se M. Ciceroni ab exilio redeunti praebuit. Huius vterina soror Mucia. Tertia
XVI.. dicta est Cn. Pompei, & postea M. Scauri vxor. L. Delmatici Q. Metellus filius Creticus postea dictus Consul fuit an. DCXXCIV. cum Q. Hortensio oratore,
XVII.. triumphum egit post septem annos Procos. ex Creta. Huius, vt creditur frater, & in consulatu successor L. Metellus Consul designatus mortuus est, Q. Marcius Rex solus consulatum gessit. In Praetura successor C. Verris in Sicilia fuit. Horum etiam frater M. Metellus de repetundis Praetor cognouit Cretico fratre consule.
XVIII.. His etiam temporibus Q. Metellus Celer frater posterioris Nepotis fuit, sed germanus, an vterinus, an patruelis incertum est. Mihi vterinus fuisse videtur, quod eo tempore duo germani non eisdem praenominibus vtebantur. Tum etiam, quod cognomen ob celeritatem ludorum post mortem patris accepit. Id magis Q. Nepoti debebatur, qui paternum cognomen retinebat, vtpote heredi, autvnico, aut maximo. Patrueles non fuisse indicat, quod ambo Q. F. dicuntur. Praetor hic fuit Cicerone consule, & coniurationis vindex. Consul triennio post cum L. Afranio an. DCXCIII. Sunt, qui putent hunc Q. Metelli