Pagina 4. vers. 10. In eamdem sententiam venit Onuphrius Panuinius, in Ciuitate Romana.
   Pag. 13. v. 3. a fine. In octauo nummo qui quinarius est, nihil a septimo diuersum cernitur, praeter Pacis typum: quam toto terrarum orbi Iulius Caesar deuictis hostibus dederat. Additam s litteram animaduertant Grammatici, facit enim ad antiquam scribendi rationem.
   Pag. 33. v. 28. Typus ille alio &, vt arbitror, felicius traduci potest. Pompeio, capite truncato, Ptolomaei Regis milites annulum detraxere: in hoc, inquit Plutarchus, sculptus leo gladium tenens. Vtrumque Iulio Caesari oblatum est: illacrymauit muneri jam bonus socer factus, Percussores occidi iussit. Hic fortassis annulus M. Antonio à Caesare Romam missus & ei ex parte heredi relictus in Nummo rarissimo excusus cernitur, quem obsignandae necessitudini cum D. Imperatore in plebem sparsisse Antonium iam III-Virum R. P. C. credibile est, cuius memoriam omnibus artibus populo Romano commendauerat, sibi huius fauorem quaerens.
   Pag. 34. versu vltimo. Num ad APVLEIAM referatur secundus is nummus incertum est: ATILIVM enim referant caracteres vel Apuleium, nullus forsan ausus fuerit affirmare: Apuleiae genti adiunxi quod nota cum priori similis videatur.
   

Pag. 88. v. 2. a fine. L. CORNELIVS SVLLA cum puer a nutrice ferretur, mulier obuia, salue, inquit, puer Tibi & Reipublicae FELIX. Mario Praeneste interfecto, FELICEM se edicto appellauit.
   Pag. 149. v. 12. Quartus denarius extra ordinem ideo positus est, quod caeteris typis mandatis ad nos e cimeliarchio Regio peruenerit: is a M. Bruto Caesaris interfectore percussus est: id indicant Libertatis typus & stemma quod praebet pileus: Pugiones ij sunt quibus Caesar est occisus; atque inde LIBERTAS Populi Romani RESTIT uta est: vt elegans exquisitissimaque inscriptio docet.
   Pap. 171. post vltimum versum. Rarissima haec vltimo duo Numisinata quid indicent ambiguum est. Alijs enim placet Trium - Virorum hic facies esse notatas: ei coniecturae fauet corona capiti medio imposita & inscriptio III-VIR, quam Trium-Virorum esse explicant. Sed quorsum laurea extremo Numismati triumphantium more apposita, Veneris imago in vltimo Nummo, atque Augusti nomen quod à Caesare Octauiano nonnisi post Actiacam victoriam sumptum est. Satius existimarem Venerem ad Iuliorum gentem referri, cuius cum Anchise caput erat & ordinarium symbolum. Tria capita & Caium & Lucium Caesares cum Augusto auo, vel cum Liuia Aug. vxore referunt, vel eamdem Liuiam cum Tiberio qui postea Imperator dictus est, & Druso. Nummum hunc ab eodem C. MARIO PRO III-VIRO in gloriam Imperatoris cusum esse probabilior est suspicio.
   Pag. 191. post vltimum versum. Quod vero sub ariete currente scriptum est ET. Δ. hoc est, ἔτει τετάρτῳ quartum annum praefecturae videtur innuere.
   Pag. 243. v. 3. a fine. Nihil in quarto Nummo legitur praeter restitutionem, quod in tertio nummo non fuerit demonstratum.