42.
Coelarant breuibus nummis: sed barbara postquam
Colluuies late Romanum merserat orbem,
Cognatas inter statuas iacuere sepulti.
At nunc placatis superis, felicius aeuum
Illuxit; latebrisque erepta Numismata, honore
Multiplici, longae reparant dispendia noctis.
Margin note:
MEDAILLES
dicimus quasi Metalleas.
Namque nouum e variis nomen traxere * metallis,
Argentique supra pondus, supraque monetam
Dilecta, in proprijs tribuuntur singula cellas,
Gemmarum ritu, & capsis conduntur eburnis.
Quin & Nummorum gaudemus imagine picta;
Iamque virum ornati doctorum laudibus, implent
Ingentes libros: sic
FVLVIVS
edidit olim
Multa in Romanas diuisa Numismata gentes
Viderat haec artis patriae, patriaeque
PATINVS
Heres virtutis viuo patre: diues & ipse
Non vulgo notis opibus; sed symbola prisca
Cautus semesique notas exponere nummi,
Et doctas Italûm artificum cognoscere fraudes.
Viderat, & multa
VRSINVM
fugisse notarat
Quae lucem poterant Romanis addere rebus.
Ergo manum admouit Medicam, nec vulnera tantum
Sanauit, magno quae corpore multa latebant:
Sed totum renouauit opus. Sic Aesonis olim
Docta nurus, turpes non solum corpore rugas
Expulit, aut canos tinxit medicamine crines:
Sed penitus viridem fertur reuocasse juuentam.
CAR. FLORVS, Aduoc. Paris.
