40.
Felice graphio lucem in almam nomina
Phoenicis instar vindicantur a rogis,
Vita fruantur, vt perenni in posterum,
Sic aemularis optime Aesculapium
Quem Fama tradit suscitasse mortuos:
Tibi ergo, vt illi, fata post nouissima,
Sublimia inter astra debetur locus.
CAROLVS SPONIVS,
Doct. Med. Lugdun.
nonstructural
41.
AD LECTOREM,
DE FAMILIIS ROMANIS
,
Quas ex Nummis Antiquis illustrauerunt Fuluius Vrsinus primum; iterum ac plenius,
CAROLVS PATINVS.
ORa virum cernis, vidit quos inclyta Roma
Nunc causas orare graues, & iura togatis
Dicere, nunc totum gerere aspera bella per Orbem.
Non vnum studium, non vna gloria forma
Implebat grandes animas: idem omnia obibat
Officia; & postquam castris adoleuerat, Vrbi
Redditus, ad summum gradibus tendebat honorem.
Exinde imperium & legiones rite solebat
Accipere, & magnas iam victis addere gentes.
Donec militia fractus, fessusque triumphis,
Otia pulchra senex coleret, prudensque iuuaret
Patres consiliis, ciuili iure clientes:
Nulla adeo Romae viuebat inutilis aetas.
Horum fortia facta pij post fata Nepotes
(Ille negatus honos viuis) vultusqne virorum
