MARIA
    MARIAM Gentem plebeiam fuisse vel ex eo constat, quod C. Marius C. F. qui nullo est vsus cognomine, & M. Marius Gratidianus, Tribuni plebis cum essent, alter de suffragiis, alter de re nummaria leges tulerunt. C. MARIVS C. F. CAPITO, qui in huius tabellae denariis descriptus est, Pro-Trium-Viro vt videtur sub Augusto fuit: & in duobus primis denariis vel aliquam earum quas Augustus deduxit, Coloniam impressit, vel Eporaediam a C. Mario Consule, cuius ipse pronepos esse

potuit, deductam indicare voluit. De ea meminit Plinius, & Velleius, cum inquit, Post tres & viginti annos in Vagiennis Eporaedia Mario sexies, Valerioque Flacco Coss. Qui fuit annus Vrbis conditae DCLIII . Inscriptio TRO-III-VIR ita enim est in omnibus Numismatibus, in quatuor huius tabellae denariis notata, litteris male interpunctis, deprauata a quibusdam fuit, qui C. hunc MARIVM C. F. Pro-Quaestore Trium-Virum interpretati sunt. Nos autem PRO-III-VIR significari arbitramur eum, qui mortuo aut absente Trium-Viro, eius officio functus sit. Sic Pro-Quaestore, & Pro Praetore appellatos scimus eos, qui mortuo vel decedente Quaestore Praetore-ve, eorum locum in Prouincia obtinuerunt. Ex duobus autem prioribus denariis coniicere licet Pro-Trium-Virum fuisse coloniae deducendae.
Y ij