Volltext: Orsini, Fulvio: FAMILIAE ROMANAE IN ANTIQVIS NVMISMATIBVS, AB VRBE CONDITA, AD TEMPORA DIVI AVGVSTI.

149.


---Interea Moecenas aduenit, atque
Cocceius, Capitoque simul Fonteius ad vnguem
Factus homo, Antonij non vt magis alter amicus.

   Pomponius Porphyrio in horum versuum explicatione ita scribit: Dissensione orta inter Caesarem Augustum Antoniumque, Cocceius Nerua auus eius, qui postea Romae imperauit, petiit a Caesare, vt aliquem cum quo de summa rerum tractaret, mitteret Terracenam: & primum Moecenas, mox & Agrippa congressi sunt: hique pepigerunt fidem confirmatissimam; & in vna castra conferre signa vtrosque exercitus iusserunt. Eadem Liuius de Cocceio refert, nulla Fonteij Capitonis facta mentione. Possumus autem suspicari L. hunc Cocceium fratrem fuisse M. NERVAE, qui Antonij Legatus pro-Quaestore (vt ego interpretor) Prouinciali, denarium cusit: cuius filius fuisse creditur M. Nerua Consul suffectus cum C. Vibio Rufino anno DCCLXXIIII. de quo mentio exstat in antiqua Inscriptione ad radices Capitolij.
    C. VIBIVS C. F. RVFINVS M. COCCEIVS M. F. NERVA COS. EX S. C.
Figure
Type: drawing
COELIA
    COELIAE Gentis plebeiae frequens est mentio apud Scriptores. Ex ea autem fuit CALDORVM Familia, cuius reperiuntur argentei denarij in hac tabella notati, quos C. COELIVM CALDVM Ciceronis in Cilicia Pro Cos. Quaestorem, qui L. F. C. N. in vltima epistola lib. II. describitur, in patris, auique memoriam signasse opinor. C. COELIVS CALDVS, nouus homo, (vt inquit Q. Cicero de petitione consulatus) Consul fuit cum L. Domitio Ahenobarbo anno DCLIX. & in perduellionis iudicio tabellam dedit, cuius notae, vt ex secundo denario apparet, erant L. D. hoc est Libero, & Damno: quemadmodum legis Cassiae tabellariae A. C. Absolutionis Condemnationisq; 
Waiting...

Nutzerhinweis

Sehr geehrte Benutzerin, sehr geehrter Benutzer,

aufgrund der aktuellen Entwicklungen in der Webtechnologie, die im Goobi viewer verwendet wird, unterstützt die Software den von Ihnen verwendeten Browser nicht mehr.

Bitte benutzen Sie einen der folgenden Browser, um diese Seite korrekt darstellen zu können.

Vielen Dank für Ihr Verständnis.

powered by Goobi viewer