125.

   
In una parte.

172. Neptunus uidetur laureatus, laeua facie, barbatus,
ad cuius ceruicem est tridens.

   
In altera.

Puer nudus in delphine equitat sinistrorsum. infra.
LVCRETI. TRIO. Nummum hunc argenteum me
uidisse memini apud D. Antonium Augustinum Romae.

   
In una parte.

173. Cephalicam muliebrem uideo, tutulo, laureaque in-
signem corona, inauri ac torque spectabilem aureo.
ad ceruicem sunt literae. S.C.

   
In altera.

Equum ferocientem dextrorsum excursurum loro re-
tinet armatus Imp. thorace, ac paludamento, hasta
praeterea munitus acuta. Inscriptio. P. CRASSVS M.F.
Argenteus hic nummus mihi uisus est Romae apud
D. Achillem Maphaeum.

   
In una parte.

174. Romam uideo galea cristata ornatam, laeuo ore. Sub
cuius mento est asteriscus. ad synciput est. EX. S.C.

   
In altera.

Corona laurea. in qua puer adhuc Juppiter, breui ar-
matus hasta, ad laeuam uiam decurrit, equitans
in Amalthaea capra. Subferae utero. CETEGVS. In-
ferius. ROMA. Nummum hunc argenteum uidi
Romae apud D. Achillem Maphaeum.

   
In una parte.

175. Cephalicon est muliebre, laureatum, laeuo obtutu oris.
Inscriptio. M. FONTE. C. F.


In altera.