237.
In altera.
Taurus indomitus, detorto inter palearia capite,
opposito cornu obuiam feriturus, supina cauda
celerrime ad laeuam procurrit. Supra infraque
legitur. L. LIVINEIVS REGVLVS. Nummum
hunc argenteum uidimus aliquando apud D.
Joannem Jacobum Fuccherum.
In una parte.
22. Julius Caes. occurrit pariter laureatus, pariterque
uelatus capite, ad sinistram respiciens. Inscrip-
tio. DIVVS CAES. IMP. PERP.
In altera.
Columna sacra aenea, cum tali laudum Caes. prae-
conio. PATER PATRIAE. Ab una parte huius
lauri ramus adparet. altera sympullum.
Nummum hunc argenteinn uide Romae
apud D. Antonium Augustinum.
In una parte.
23. Julius Caesar prodit laurea corona coronatus,
sinistro ore, ad cuius synciput est adpressa
luna, et lucidum sydus. ad ceruicem lituus,
subter collum patina. Inscriptio. IMP.CAES.
DICT. PERT.
In altera.
Laurea corona, e laurinis ramulis duobus
contexta, cuius inter compacturas, supra
infraque signum defixum est militare.
Huius inter fercula adparent literae. V. V. V.
Nummum hunc argenteum domi meae seruo.
b.