19.

20.
HVBERTI GOLTZII HERBIPOLITAE
VENLONIANI
AD SENATVM POPVLVMQVE ROMANVM
PRAEFATIO.

    ROMANORVM Imperatorum, Caesarumq́ue historiam, ex antiquis numismatibus instauraturus, quũ in id haud ita nuper omnes & animi & corporis actiones intendissem, & post nõ poenitendos hoc in instituto progressus, absolutoq́; iam primo totius operis libro, (quem Iulium Caesarem inscripsimus) altiùs aliquantò & diligentiùs mecum ipse perpenderem, amplissime Senatus, quemadmodum augustum illud imperij vestri decus & fastigium, quod tenui humiliq́; ab initio profectum, tot clarissimorum virorum & heroum industria, prudentia, & virtute, tot laboribus & molestijs, multorum annorum spatio, paulatim eluctatum, quasi per gradus quosdam ad summũ peruenerat, ad vnum lulium Caesarem esset delatum: mira & in cre dibilis quaedam instituti mei, eiusq́; quod initiò ceperam consilij mutandi, animum meum incessit cupiditas; quae tanto me studio inflammauit, nihil vt esset optatiùs, quàm inprimis & antequàm reliquos, qui de Imperatorib. restabant, libros prosequerer, vestrorum Fastos Magistratuum explicare, eosq́; cùm ex vetustis numismatibus, tum ex ipsis marmorum antiquorum monumentis, iam inde à condita vestra illustrissima Roma, in certum or dinem redigere. Nimirum vt septem Reges primùm, deinde obseruato cuiusq; annitempore Consules, Dictatores, Magistros Equitum, Decemuiros, Tribunos Militum, Censores, & si qui alij vestram hanc Remp. vsque ad singulare Caesaris & Augusti imperium gubernarunt, perpetua serie & ordine