Full text: Goltzius, Hubert: SICILIA ET MAGNA GRAECIA SIVE HISTORIAE VRBIVM ET POPVLORVM GRAECIAE EX ANTIQVIS NVMISMATIBVS RESTITVTAE

424.


eorundem sibi vendicat. Nec his contentus vniuersos ferè callido commento circumuenit. Vouerant Locrenses quum grauissimo Leophronis Rheginensium Tyranni bello prem erentur, si victores forent, die Veneris festo se virgines suas prostituturos. hoc voto neglecto, quum aduersa aliquoties fortuna rem cum Lucanis gessissent, Dionysius vocatis in cõcionem ciuibus, id eis ob iram Deorum euenire docuit; quod votum persoluere neglexissent. persuasis itaque Locrensibus, vt vxores virginesq́ue suas quàm ornatissimè sumtuosissmeq́; cultas in templum Veneris mitterent; centumq́ue ex ijs sorte ductae voto publico functurae, salua tamen pudicitia, ac religionis tantùm gratia ad tempus

vno in lupanari prostarent, immisso milite omnes suis ornamẽtis mun doq́ue pretiosissimo spoliauit; maritis etiam quarundam, qui de iniuria conqueri ausi suerant iugulatis: vti latius supra in insius Dionysij historia memorauimus. Sexennium iam Locrenses insolentiã ac libidinem Dionysij pertulerant, cum profecto ad repetendũ regnum Syraculanum

Tyranno vna cum filio maiore Apollocrate, ad recuperãdam libertatem conspirant: occupataq́ue arce filiae simul duae, filiusque Dionysij impubes capiuntur: quumq́ue nec prece nec precio semel atque iterum rogando, imò ne Tarentinis quidem intercessoribus vt liberi sibi restituerentur impetrare posset, ira atque indignitate percitus, atque ad vim con

uersus Locrensium agros ferro igniq́ue peruastat. Hinc Locrenses noua super antiquum odium iniuria propter agrorum vastationem accen si, iram vindictamq́ue in Tyranni liberos effudére: filiasq́ue eius omnibus super quàm humana fert patientia tormentis prius excruciatas, fAedeq́ue constupratas, strangulant: laceratisq́ue inhumaniter corporibus, ossa etiam in mortarijs contusa, ne quid ad sepulturam superesset, in mari disperserunt. Variante inde fortuna cum Bruttijs Lucanisq́ue infestis nomini Graeco gentibus bellauére; modo victores, mox victi:

donec Roman orum crescente potentia eorum societatem amplecterentur. Ceterùm iniqua illorum temporum conditio haud diuturnam

Locrensibus quietem concessit: orto namque inter Romanos Tarentinosq́ue bello, cum Pyrrhus Epirotarum rex a Tarentinis in auxilium excitus, in Italiam traiecisset, infensus Locrensibus quod fidem erga Romanos constanter colerent, assiduis agrorum vastationibus alijsq́ue belli cladibus vires eorum atterebat. Inde & Proserpinae quod diximus templum spoliare ausus, pecuniaq́ue in naues imposita terrestri ipse itinere proficiscebatur. Ceterùm prouecta in altum classis, statim fAedissima tem pestate lacerata disiectaq́ue est: & naues quae sacram Deae pecuniam vehebant in litus Locrensium eiectae. qua clade deterritus rex, pecuniam sacram vndiq́ue conquisitam in thesauros Proserpinae referri
Ll 2

Waiting...

Note to user

Dear user,

In response to current developments in the web technology used by the Goobi viewer, the software no longer supports your browser.

Please use one of the following browsers to display this page correctly.

Thank you.

powered by Goobi viewer