pollicentes, foedere in amicitiam accepti sunt. Quod quum eodem anno

violassent, factum est, vt post octauum inde annum Apulia perdomita bello a Romanis impetiti sint; & repentino Q. Aimilij Consulis aduentu Nerulum opidum ipsorum vi captum. Post autem quum oratores Lucanorum ad L. Cornelium Scipionem & Cn. Fuluiũ Centumalum Coss.questum venissent, Samnites quia condicionibus ad societatem armorum ipsos perlicere nequiuissent, infesto cum exercitu fines ipsorum ingressos, eosdem peruastare, belloq́ue ad bellum cogi; adderentq́ue nuncita animatos esse Lucanos, vt omnia ferre ac patitolerabilius ducant, quàm vt vnquam postea nomen Ro. violent; proinde

orare patres, vt Lucanos in fidem acciperent; & Samnitium vimatq; iniuriam

ab se arcerent; decreuit Senatus vt foedus cum populo Lucano iungeretur. In quo mansisse videntur donec anno ab vrbe condita. CCCCLXIII. P. Cornelio Rufino, M. Curio Dentato Coss. arma cum Sam nitibus, Bruttijs & Tarentinis populi Romani per id tem pus hostibus sociarent: ita vt amplissimam triumphorum materiam pluribus per octo Consules proelijs victi praebuerint. Debellatum esse cũ Lucanis a L. Papirio Cursore & Sp. Caruilio Maximo Coss. qui de ijsdem ambo triumpharunt, vt est in Fastis Capitolinis, & Lucanis eorumq́ue socijs pacem eodem tempore esse datam crediderim: foederis tamen condiciones vnà cum rebus eorum gestis apud Liuium ceterosq́ue scriptores interciderunt. Hactenus de Lucanis in genere: sequitur vt maritimam Lucaniae oram per partes obeamus. Strabo auctorest in Lucanis vltra Silarum amnem Iunonis Argiuae templum ab Iasone Aedificatum fuisse; quod Plinius cis eundem fluuium in Picentinis constituit.

   AB Silari ostio quinquaginta stadijs distabat vrbs quae Possidonia Graecis, Paestum latinis dicebatur; a Doriensibus si Solino; a Sibaritis

si Straboni credimus condita. Haec intimo in sinu sita, ipsi sinui

nomen Paestano quem Graeci Posidoniaten vocant; fecit. Strabo tradit Romanos ex Hadria Picentes colonos in Posidianiten sinum deduxisse. sicuti enim Sibaritae prius a Lucanis; ita Lucanos postea a Romanis Posidonia expulsos fuisse. Idem Strabo insalubritatem aëris culpat; ob amnem Silarum in paludes diffusum. Agrum Paestanum poëtae & rei rusticae scriptores ob rosarum praestantiam, quae flagrantissimum spirent odorem; rosariaq́ue quotannis bifera commendant. Vrbis verò originem aut nomẽ numismata ad Ποσειδῶνα, quem Latini Neptunum vocant referre videntur; qui omnibus in nummis tridente suo